Ихыркәшахеит Аԥсны Ахада Шьамтәылатәи Арабтә Республикаҟны официалтә визитла иҟазаара

Ихыркәшахеит Аԥсны Ахада Шьамтәылатәи Арабтә Республикаҟны официалтә визитла иҟазаара

Иахьа ихыркәшахоит Аҧсны Аҳәынҭқарра Ахада Аслан Бжьаниа Шьамтәылатәи Арабтә Республикахь ивизит. Ашьыжь, Дамаск Аҧсны Ахада аамҭалатәи ирезиденциахь днеит Шьамтәыла Ахада Башар Асад, официалла шьыжьхьахьы ааԥхьарагьы ииҭеит. Ҷыдала аҳаҭырқәҵара иадырганы аҳәынҭқаррақәа рхадацәа ақьафурҭахь изгоз автомашьына аԥсҟы икын Башар Асад ихаҭа. Аҧсны Ахада Башар Асад иҭабуп ҳәа еиҳәеит Аҧснытәи аделегациа алахәцәеи иареи рзы иҟарҵаз асасдкыларазы, аҳаҭырқәҵаразы. «Шәара шәыдгьыл аҟны ҳаҟанаҵы ҷыдала шәыжәлари шәнапхгареи рганахьала аԥхарра, агәбылра, аҳаҭырқәҵара ҳбон есминуҭ»,- иҳәеит Аслан Бжьаниа. «Агәра згоит Аԥсни Шьамтәылеи рыжәларқәа еицырзыфеиду алҵшәақәа шроуа ҳаизыҟазаашьа иабзоураны, ҳара ҳаиҩызара, аҳәынҭқарратәбжьаратә еизыҟазаашьақәа еиҳагьы гәацԥыҳәарала рыҿиара ишацхраауа», – иаҵшьны иҳәеит Аԥсны Ахада. Аслан Бжьаниа Башар Асад изеиӷьеишьеит имҩаԥысраны иҟоу Ахада иалхрақәа рыҟны аихьӡарақәа, Шьамтәыла ажәлар рымаҵ аураҟны аиааира ҿыцқәа. «Шәара шәыдгьыл аҟны ҳаҟанаҵы ҷыдала шәыжәлари шәнапхгареи рганахьала аԥхарра, агәбылра, аҳаҭырқәҵара ҳбон есминуҭ»,- иҳәеит Аслан Бжьаниа. «Агәра згоит Аԥсни Шьамтәылеи рыжәларқәа еицырзыфеиду алҵшәақәа шроуа, ҳара ҳаиҩызара аҳәынҭқарратәбжьаратә еизыҟазаашьақәа еиҳагьы гәацԥыҳәарала рыҿиара ишацхраауа», – иаҵшьны иҳәеит Аԥсны Ахада. Аслан Бжьаниа Башар Асад изеиӷьеишьеит имҩаԥысраны иҟоу Ахада иалхрақәа рыҟны аихьӡарақәа, Шьамтәыла ажәлар рымаҵ аураҟны аиааира ҿыцқәа. Ахада шьамтәылатәи иколлега Аԥсныҟа ааԥхьара ииҭеит иара иаҳа ианизыманшәалоу аамҭазы. Шьамтәыла Ахада иара иганахьала Аԥсны жәлар ирзеиӷьеишьеит аҭынчра, насыԥла иҭәу аԥсҭазаара. “Сара Аԥсны сымнеиӡац макьана, аха уажәнатә агәхьаагара сымоуп”,- иҳәеит Шьамтәыла Ахада Башар Асад.

Источник : ПРЕЗИДЕНТ РЕСПУБЛИКИ АБХАЗИЯ

Поделитесь с друзьями

Добавить комментарий

Ваш адрес email не будет опубликован. Обязательные поля помечены *