Аԥсны Аҳәынҭқарра Ахада Аслан Бжьаниа Аԥсны жәлар Аҳәынҭқарратә бираҟ Амш рыдиныҳәалеит.

Аԥсны иазгәарҭоит Аҳәынҭқарратә бираҟ Амшныҳәа.

Аҟәа. Ԥхынгәымза 23, 2020 ш. Аԥсныпресс. Аҳәынҭқарра Ахада Аслан Бжьаниа Аҳәынҭқарратә бираҟ Амш Аԥсны жәлар ирыдиныҳәалеит.

Адныҳәалараҿы, ахәҭакахьала  иазгәаҭоуп:

Ҳаҭыр ду зқәу Аԥсны жәлар!

Гәык-ԥсык ала ишәыдысныҳәалоит  Аԥсадгьыл азгәдууреи, агәышьҭыхреи зцу аныҳәа – Аԥсны Аҳәынҭқарратә бираҟ Амш!

Аԥсны жәлар ҳзы игәазырҳагоу аҳәынҭқарратә дыргақәа, ихьыԥшым аԥсуа ҳәынҭқарра  иақәлоуп.  Жәлар рԥыза Владислав Арӡынба инапхгарала  Аԥсны Иреиҳаӡоу  Асовет  ԥхынгәымза 23, 1992 шықәса рзы ишьақәнарӷәӷәеит еицырдыруа аԥсуа сахьаҭыхҩы-апатриот Валери Гамгиа  иаԥиҵаз аексизқәа рыла Аҳәынҭқарратә бираҟи агерби.

Аџьынџьтәылатә еибашьра аамҭазы Аԥсны ахьчаҩцәа ҳбираҟ  ԥшӡа ианықәны ауп ишцоз ахақәиҭраз ажәыларахь, уи  Аиааира иасимволуп. Ҳҳәынҭқарратә бираҟ  дыргас ирымоуп ҳажәлар  рықәҿиарақәа.  Агәра ганы сыҟоуп ихьыԥшым Аԥсны аҳәынҭқарра абираҟ иақәнагоу  аҭыԥ ылнахраны ишыҟоу  жәларрыбжьаратәи аиҿкаара дуқәа рыҟны! Нагӡара ақәзааит ҳаԥсадгьыл Аԥсны, наунагӡа  иахышәыршәырлааит аԥшзара иакны иаго аԥсуа бираҟ! Шьардаамҭа Аԥсынра!

Источник : АпсныПресс

Поделитесь с друзьями

Добавить комментарий

Ваш e-mail не будет опубликован. Обязательные поля помечены *